Kavout ma skol divyezhek

Hiziv ez eus ouzhpenn 300 skol o kinnig ar c’helenn divyezhek galleg-brezhoneg adalek ar skol-vamm e Breizh. Kavit an hini a vo mat evit ho pugel gant bloazlevr ar skolioù publik, prevez pe kevredigezhel pe en ur implijout kartenn ar skolioù e traoñ ar bajenn.

Ar rouedadoù kelenn disheñvel

Teir rouedad disheñvel a ginnig kelenn ar brezhoneg : bez’ ez int tri doare disheñvel en em gloka an eil egile evit ma vo kavet ganeoc’h ar skol a vo mat evit ho pugel. Pe e vefe er skolioù publik, er skolioù katolik pe er skolioù kevredigezhel Diwan, doujañ a reont holl da brogrammoù an Deskadurezh-Stad en ur lakaat argerzhioù an divyezhegezh abred e pleustr. Kit e darempred ganto eta ha kit d’o dorioù digor a gavot ar roll anezho en hon deiziataer. Gallout a rit ivez en em gavout gant ar c’hevredigezhioù tud skolidi, a vez douget raktresoù ganto e pep hini eus an teir rouedad.

Diwan

Kevredigezhel dre soubidigezh

Ur rouedad skolioù, laik, digoust ha digor d’an holl eo Diwan.

Enno ez eo ar brezhoneg ar yezh deskiñ ha bevañ. Degaset e vez ar galleg tamm-ha-tamm evit ma vo barrek ar vugale war an div yezh. 55 skol Diwan zo. Skoliata a reont ouzhpenn 4 000 skoliad. Ar skolioù, meret en un doare kevredigezhel, zo dindan gevrat gant ar Stad.
Lec'hienn Diwan

Div Yezh

Klasoù divyezhek publik

Ar c'helenn divyezhek publik zo :

10 000 skoliad eus ar skol-vamm d’al lise e 230 skol. En ur heuliañ ar programmoù e vez implijet ar brezhoneg evel ar galleg er vuhez pemdez er c’hlas pe er skol, e kement tachenn deskiñ zo, evit tizhout ar memes barregezh en div yezh e fin ar skoliata. Ar rouedad kerent “Div yezh” a sikour ar familhoù a-hed an treugad-se.

Lec'hienn ar rektorelezh
Lec'hienn Div Yezh

Divaskell

Klasoù divyezhek katolik

Ar c'helenn Katolik e Breizh

a ginnig d’ar familhoù ur rouedad gant ouzhpenn 110 skol gant un hentad divyezhek, dasparzhet un tammig e pep lec’h e Breizh. Eus rummad ar re vihanañ betek ar c’hlas termen ez eus 5 500 skoliad en o bleud o teskiñ e brezhoneg. Ar rouedad kerent “Divaskell” a sikour ar familhoù a-hed an treugad-se.

Lec'hienn ar c'helenn katolik
Lec'hienn Divaskell

Ofis Publik ar Brezhoneg

Ur servij publik gouestlet da ziorren implij ar brezhoneg eo an OPAB. Un ostilh publik eo, a c’hellit mont e darempred gant e 30 gwazour dasparzhet war ar vro a-bezh, respontoù ho po d’ho koulennoù diwar-benn ar c’helenn brezhoneg er skolioù. Ajañs diorren an Ofis Publik a zegaso deoc’h he mailhoni hag he skiant prenet war an dachenn. Evit tapout muioc’h a ditouroù, emgav war lec’hienn an OPAB.
logo ofis publik ar brezhoneg erminig

Kartenn ar skolioù

E glas : ar raktresoù evit digeriñ ur skol-vamm divyezhek.

E ruz : ar skolioù Diwan.

E gwer : ar skolioù publik divyezhek.

En melen : ar skolioù katolik divyezhek.