Menu
War-dro un hanter-kant bennak a vugale zo e-barzh tri c’hlas. Ur c’hresk brav zo bet abaoe ma oa bet digoret ar skol dek vloaz zo. Ur bloavezh bennak e oa bet digoret daou glas war an dro, pezh na oa ket bet gwelet morse e rouedad Diwan.
Bep daou vloaz e laka bugale ar skol o gwiskamantoù ar grennamzer evit gouelioù ar grennamzer e Lokournan. War ar pemdez emaint er bed a-vremañ hag e vez raktresoù graferezh ouzh moger ar skol gant ar Brestad Eddy Barklemm. Gant ar c’helc’hiad tri eo bed ar mor, hag ar genstrivadeg loened an donvor en Oceanopolis. Bageal a vez graet e Porsal nepell ivez.
Ur raktres kantin zo gant ar skol. Evit ar mare e feurm ar GDP ur c’harr-boutin da gas ar vugale d’ar c’hantin, ar pezh a goust ker-ruz.
Evit goulenn un emgav pe en em enskrivañ
Evit eskemm gant ar gerent ha dizoloiñ ar vuhez er skol
Devezhioù dorioù digor a vo evit ar skol-se dizale marteze !
Lennit deiziataer an dorioù digor evit gouzout hiroc’h.
