Skol Diwan Rianteg

Hent-Dall ar skolioù
56670
Rianteg
02 97 84 50 63
skol.diwan.rianteg@gmail.com
http://diwan-rianteg.org/
Rouedad skolioù
Diwan

Kinnig ar skol

Un niver bras a dud a oa en em gavet asambles e miz Even 2008 evit sevel Skol Diwan Rianteg. Ur gwir mor a dud prest da labourat asambles evit sevel o skol Diwan. Diouzhtu e oa bet laosket un dachenn d’ar c’huzul skoazell gant an ti-kêr. Savet e oa bet ar skol penn-da-benn gant kerent ar skol dindan ur bloaz ! Meur a varregezh a oa er skipailh : tisavourien, artizaned ha tud evit merañ mat an arc’hant. E miz Gwengolo 2009 e oa bet digoret ar skol. Pevar bugel warn-ugent a oa bet diouzhtu en distro-skol kentañ. Ne oa ket bet gwelet an dra-se gwech ebet er rouedad Diwan ! An darempredoù a oa bet mat adalek ar penn kentañ gant ar maer d’ar mare-se hag heñvel eo gant ar maer nevez. Lec’hiet brav eo ar skol e-kichen ar c’hantin, ar sal sportoù, hag hini ar c’hleweled ouzhpenn. Bremañ eo kig-ha-fars a vez aozet gant ar c’huzul skoazell hag ar Gevredigezh Deskadurezh Pobl (KDP) evit kavout arc’hant, ha miliadoù a grampouezh e gouelioù ar vro.

E-tal ar mor emañ ar skol, neuze e ya alies ar vugale d’ober anaoudegezh gant an natur, ar mor hag aod dibar ar Mor-bihan ma vez graet bageal ganto. Eskemmoù a vez gant bugale Pondi ivez. Gouren a vez graet gant an holl glasoù er c’hentañ derez.

Video : un devezh e skol Diwan Rianteg

Kas ur postel d'ar skol

Evit ho koulennoù emgavioù, ho koulennoù enskrivadurioù.

Kit e darempred gant ar gevredigezh kerent

Evit kenskrivañ gant kerent ar skolidi, anavezout buhez ar skol.

logo diwan rianteg

Dorioù digor

Devezhioù dorioù digor a vo evit ar skol-se dizale marteze !
Lennit deiziataer an dorioù digor evit gouzout hiroc’h.