Menu
Hiziv an deiz e kresk buan ar c’hinnig deskadurezh e brezhoneg e Naoned ha tro-war-dro. Tost da 500 bugel a zo skoliataet e Naoned ha dizale e vo tishet 1000 bugel (etre an holl hentadoù) war departamant Ligel-Atlantel a-bezh!
Evit pezh a sell eus rouedad Diwan ez eus bet savet raktresoù neveze Bro-Naoned e-kerzh ar bloavezhioù tremenet abalamour ma oa kreñv ar goulenn sokial.
Unan eus ar ratresoù-se – lañset e 2019 kostez Kernitron-al-Lann ha Gwinieg-Breizh – n’en deus ket gellet bezañ kaset da benn, en abeg d’an diouer a savadurioù.
Gant kalz blijadur eo deuet war-wel ur raktres nevez e Orvez neuze!
Santet hon eus e oa dedennet-kenañ hag e oa madelezhus Ti-kêr Orvez evit ambrougañ hor c’hevredigezh er raktres-mañ. Un toullad eskemmoù pouezus a zo bet dija diwar-benn ul lec’h, ha kenderc’hel a raint en un doare reoliek er sizhunvezhioù a zeu.
Kuzul skoazell “Diwan Orvez” a zo o vont d’en em frammañ dindan nebeut hag a lako da anavezout munudoù ar raktres skol-se da annezidi Orvez ha d’an dud all a vefe dedennet.
Evit goulenn un emgav pe en em enskrivañ
Evit eskemm gant ar gerent ha dizoloiñ ar vuhez er skol
Devezhioù dorioù digor a vo evit ar skol-se dizale marteze !
Lennit deiziataer an dorioù digor evit gouzout hiroc’h.
